Quen

Paula Rios CurbeiraPaulaRiosC.jpg

Licenciada en Filoloxía Hispánica [Galego-Portugués] co CAP superado. Máster en Axente de Igualdade de Oportunidades.

Entusiasta das TIC, con formación especializada e experiencia en Competencias Tecnolóxicas para Community Managers e aplicación aos procesos formativos.

Xestora do coñecemento e información en rede; actualmente desenvolvo tarefas como redactora/tradutora e Xestora de Comunidades Online na empresa Dinahosting SL, elaborando textos publicitarios en castelán e as súas traducións a galego e portugués para adecuar o discurso corporativo á realidade social de cada mercado usando unha linguaxe inclusiva.

Son unha promotora convencida da importancia das iniciativas de economía solidaria. Socia fundadora de Tagen Ata lingua e comunicación S Coop. Galega, con funcións específicas de coordinación e xerencia. Socia colaboradora de Maragota S. Coop Galega, espazo de educación infantil que dinamiza contornas rurais.

Dirixín e coordinei proxectos de planificación, intervención e dinamización lingüística, así como proxectos de igualdade de oportunidades.

Formadora de formadorxs en ecoloxía lingüística e en contornas virtuais de aprendizaxe.

Autodidacta no uso de aplicacións teconológicas e software libre. Usuaria avanzada GNU/Linux e plataformas para eLearning.

Creadora de sitios web, baseados en CMS, dinámicos e accesíbeis para as persoas non-programadoras. Algúns dos meus traballos pódense ver en feminismo.eu, singenerodedudas.com, maragota.org, coopmed.org, teensespolaigualdade.org

Gran parte do meu activismo está no movemento feminista no ámbito galego. Formo parte de Mulheres Nacionalistas Galegas. Ciberfeminista apaixonada, resonsábel da xestión das comunidades en rede de feminismo.eu e feminismo.org.